Кытай коронавирусту жеңгендигин жарыялады

Кытай Эл Республикасы үчүн коронавирустун кооптуу учуру артта калды. Бул тууралуу Кытайдын саламаттыкты сактоо комитетинин расмий өкүлү Ми Хэнге таянып, чет элдик басылмалар жазып чыгышкан.

“Уханды эске албаганда Хубэй провинциясынын бардык шаарларында бир аптадан бери абал тынч. Ал жакта вирус жуктуруп алган жаңы учурлар катталган эмес. Ал эми Кытайдын башка шаарларында акыркы бир күн ичинде коронавирустан каза болгондордун саны 11 адамга жеткен. Жуктуруп алгандардан 15 учур катталган. Бул көрсөткүчтөрдөн улам эпидемиянын жайлап калганы байкалууда.

Кытайдын эки ири шаарында бир катар тармактар боюнча өндүрүш иши калыбына келтирилип иштеп баштады. Бирок вирусту жуктуруп алуу учурлары аз каттала баштаганына карабастан, өлкө аймагындагы абал катуу көзөмөлдө турат" , - деп айтылат маалыматта.

Буга чейин Бүткүл дүйнөлүк саламаттыкты сактоо уюмунун башкы директору Тедрос Аданом Гебреисус коронавируска байланыштуу абалга пандемия деп мүнөздөмө берген.