3000ден ашуун адам аскер кызматына чакырылды

2020-жылдын 1-мартынан тартып Куралдуу Күчтөрдүн катарына жазгы аскерге чакыруу кампаниясы өз ишин баштады, ал 31-майга чейин уланмакчы. Бул тууралуу Кыргыз Республикасынын Коргоо иштери боюнча мамлекеттик комитетинин басма сөз кызматынан билдиришти.

"Бүгүн, 12-мартта республикалык жыйын пунктунда Бишкек шаары менен Чүй облусунан чакырылгандарды аскердик кызматын өтөөчү жерлерге жөнөтүүгө арналган салтанаттуу азем болду. Мөөнөттүү аскер кызматына чакырылган 3000ден ашуун адам Кыргыз Республикасынын Куралдуу Күчтөрүнүн Генералдык штабынын, Коргоо иштери боюнча мамлекеттик комитетинин, Мамлекеттик чек ара кызматынын, Улуттук коопсуздук мамлекеттик кызматынын, Жазаларды аткаруу кызматынын Кайтаруу жана күзөтүү департаментинин жана ИИМдин Ички коопсуздуктун аскерлеринин кошуундары менен бөлүктөрүндө кызматтарын өтөшөт", - деп жазылат маалыматта.