1 миллион 400 миң сомдук медициналык бет капты өлкөдөн мыйзамсыз алып чыгууга аракет кылган жаран кармалды

Кыргыз өлкөсүнөн 1 миллион 400 миң сомдук медициналык бет капты мыйзамсыз алып чыгууга аракет кылган жаран кармалды. Бул тууралуу Экономикалык кылмыштуулукка каршы күрөшүү боюнча мамлекеттик кызматынан билдиришти.

"13-март күнү «Чоң-Капка автожол» көзөмөл-өткөрмө пунктунан Кыргыз өлкөсүнөн Казакстанга медициналык бет капты мыйзамсыз ташыган жаран кармалды. 1987-жылы туулган И.К. аттуу Кыргыз жаранынын VOLVO FM12 унаасынан кургатылган жемиштердин түбүнө катылган 95 600 тиешелүү документи жок медициналык бет кап аныкталган. Товар 1 миллион 400 миң сомго бааланган. 3-февралдан тартып Кыргыз өлкөсүнөн жарым жыл аралыгында медициналык каражаттар, дары-дармектер чет жакка чыгарылбасын деген өкмөттүн буйругуна ылайык, тиешелүү документтер түзүлүп, айдоочу менен жүк Экономикалык кылмыштуулукка каршы күрөшүү боюнча мамлекеттик кызматына өткөрүлүп берилди", - деп жазылат маалыматта.