Кыргыз жана Казак өкмөт башчылары бүгүн да телефон аркылуу сүйлөшүштү

Бүгүн, 15-мартта өкмөт башчы Мухаммедкалый Абылгазиев менен Казакстандын премьер-министри Аскар Мамин телефон аркылуу сүйлөштү. Анда кыргыз-казак кызматташтыгы, ошондой эле коронавируска байланыштуу жагдай талкууланды. Бул тууралуу өкмөттүн маалымат кызматынан билдиришти.

Өкмөт башчылар Казакстан Республикасында жарыяланган өзгөчө кырдаалдар абалындагы шартта кыргыз-казак чек арасы аркылуу жүк ташуунун улантуунун маанилүүлүгүн белгилешти. Тараптар мындан ары да эки өлкө элинин кызыкчылыгы үчүн маалыматтарды ыкчам алмашууну ишке ашырууга макулдашты.

Кечээ, 14-мартта эки премьер телефон аркылуу сүйлөшүп, анда Кыргыз-Казак кызматташтыгынын актуалдуу маселелери талкууланган.