Бүгүн Жогорку Кеңештин комитет жыйынында өлкөнүн Германиядагы элчи кызматына Эрлан Абдылдаевдин талапкерлиги каралат

Бүгүн, 17-мартта Жогорку Кеңештин комитет жыйынында өлкөнүн Германиядагы элчи кызматына Эрлан Абдылдаевдин талапкерлиги каралат. Бул тууралуу SUPER.KG порталына депутат Анвар Артыков билдирди.

Эл аралык иштер, коргоо жана коопсуздук боюнча комитетинин күн тартибине бул маселе коюлган, бирок кимдин талапкерлиги каралары жазылган эмес. Өкмөт өкүлү бул маселени жабык түрүндө кароону сунуштады. Бул сунушту депутаттар колдошту.

Буга чейин Эрлан Абдылдаев тышкы иштер министри болуп иштеп, 2018-жылы бул кызматтан бошотулган.