Милиция кызматкерлери сатуучулар арасында түшүндүрүү иштерин жүргүзүшүүдө

Биринчи Май райондук ички иштер башкармалыгы социалдык тармактарда ар түрдүү фейк фото жана видео маалыматтар тарап жатканына байланыштуу жарандар арасында түшүндүрүү иш-чараларын өткөрүүдө.

"Биринчи Май районунун аймагында милиция кызматкерлери жана акимиаттын өкүлдөрү менен биргеликте азык-түлүк жана жашылча-жемиш сатуучу базарларда, дүкөндөрдө мыйзам бузууларды болтурбоо үчүн сатуучулар арасында күн сайын түшүндүрүү иштерин жүргүзүүдө. Азык-түлүктөргө карата бааны көтөрүп жиберүү фактылары катталса, жеринде актылар түзүлүп, сатуучуларга карата чара колдонуу каралууда. Мындан тышкары Биринчи Май райондук жашы жете электер менен иштөө инспекциясы шаардын көчөлөрүн күзөтүп жатышат", - деп жазылат маалыматта.

Ошондой эле жашы жете электерге адамдар массалык топтолгон жерлерге барбоо жана жеке гигиенаны сактоо сунушталды.