“Чоң-Туз” кенинде жаңжал чыгып, 1 милиция кызматкери жабыркады

 25-августта саат 21:00 чамасында Нарын облусунун Кочкор районундагы “Чоң-Туз” кенинде жаңжал чыгып, 1 милиция кызматкери жабыркады. Бул тууралуу аймактык кабарчыбыз Гүлжан Асанкожоева билдирди. Маалыматка ылайык, аталган кендин мурунку жетекчиси менен азыркы жетекчисинин ортосунда пикир келишпестик чыгып, мушташка айланган. “Бул кендин мурунку жетекчиси Курманбек Байтереков болчу. 2010-жылдагы апрель окуясынан соң жергиликтүү эл аталган кенди басып алышып, жаңы жетекчи дайындашкан. Урушта 200дөй адам таш менен чабышып, уруштан улам бир милиция кызматкери жабыркады. Калган жабыр тарткан кишилер тууралуу учурда так маалымат жок”,- деди ал.