3 тургунунда коронавирус аныкталган Сузак районунда өзгөчө кырдаал жарыяланды

Бүгүн, 18-март күнү умра сапарынан келген Жалал-Абад облусуна караштуу Сузак районунун 3 тургунунан коронавирус аныкталганы маалым болду. Мындан улам Сузак районунда өзгөчө кырдаал жарыяланды. Бул тууралуу Сузак райондук администрациядан билдиришти. Шартка ылайык кандай иш-чаралар жүргүзүлөт?

1) Коомдук тартипти сактоону, өзгөчө маанилүү мамлекеттик жана стратегиялык объекттерди, ошондой эле калктын жашоо-турмушун камсыздаган объекттерди коргоону жана унаалардын ишин көзөмөлдөөнү күчөтүү;
2) Эл массалык түрдө чогула турган объектилердин ишмердүүлүгүн токтотуу;
4) Сузак районуна кирүүгө, ошондой эле анын аймагынан чыгууга (райондук штабдын мүчөлөрүнөн тышкары) жана транспорттун бардык түрлөрүнүн чыгуусуна чектөө киргизүү.

Сузак Жалал-Абад районундагы калкы көп райондорунун бирине кирет. 2019-жылга Сузак районунда 294 миң 965 адам катталган.