Филиппинде мурду пилдин тумшугун элестеткен бала жашайт

Филиппиндеги Минданао аралында 4 жаштагы баланын мурдуна пилдин мурдун элестеткен чоң шишик пайда болгон. Бул тууралуу чет элдик басылмалар жазып чыгышты.

2 жыл мурун Жейлорд Оклариддин мурдуна шишик чыгып баштаган. Баланын ата-энеси жакын аралыктагы ооруканага көрсөтүшкөндө, алар жардам бере алышпай Филиппиндин борбору Манилага барууну сунушташкан. 2019-жылы ата-энеси акча чогултуп борборго келишкен. Борбордогу оорукананын дарыгерлери баланын шишиги залалсыз экенин, бирок мурдунун мындан ары өсүшү башка органдарга зыянын тийгизиши мүмкүндүгүн айтышкан.

"Балабызга дагы деле операция жасай албай жатышат. Дарыгерлердин айтымында, баламдын өпкөсү менен жүрөгү азырынча алсыз болуп, операцияны көтөрө албайт", - деген баланын апасы. Учурда эне-бала кайра айылына кетишкен жана Жейлорд операцияга даярдануу үчүн дарыланып жүрөт.