Нарындагы массалык мушташ боюнча кылмыш иши козголду

Нарындын Кочкор районундагы массалык мушташ боюнча кылмыш иши козголду. Муну Нарын ОИИБинен билдиришти. 25-августта район аймагындагы "Чоң-Туз" кенинде бир фирманын мурунку жана азыркы жетекчилеринин тарапташтарынын ортосунда жаңжал болгон эле. Экс-директор 200дөй адам чогултуп, азыркы жетекчилик менен сүйлөшүү үчүн шахтага барышыптыр. Окуядан бир милиция кызматкери жабыркады, анын бетине таш тийди. Учурда ооруканада жатат. Окуянын чоо-жайы учурда иликтенүүүдө.