Ош шаарында патрулдук милицияны түзүүгө алгачкы кадамдар башталды

Ош шаарында патрулдук милицияны түзүүгө алгачкы кадамдар башталды. Жол кыймылынын коопсуздугун камсыздоо башкы башкармалыгынын Ош шаардык ички иштер башкармалыгы боюнча милициянын кайгуул кызматынын бош орундарына конкурс жарыялайт.

"Документтерди кабыл алуу 16-марттан 16-апрелге чейин жүргүзүлөт. Сынакка кайгуул кызматына иштөөнү каалаган бардык жарандар катыша алат. Аталган кызматтын жетекчисинен тартып, катардагы инспекторлор дагы сынак тартиби менен кабыл алынат. Кимде-ким кайгуул кызматынын жетекчилик, улук жетекчилик жана кенже жетекчилик курамында кызмат өтөөнү кааласа, Ош шаарынын Касымбеков көчөсүнүн №30 дареги боюнча кайрылуусу зарыл", - деп басма сөз кызматынан билдиришти.

Кошумча маалыматтарды төмөндөгү номерлер аркылуу алсаңыздар болот.

Байланыш телефондору: 03222 3-95-63; 03222 3-95-62; 0554-17-00-73.