Алматыда башка облустардан, айылдардан келген тургундардын үйлөрүнө кетүүсү үчүн 72 саат убакыт берилди

Казакстандын түштүк аймагы толук түрдө 22-мартта жабылат. Бул тууралуу жергиликтүү маалымат булактары жазышууда.

Анда айтылгандай, Алматы шаарына башка облустардан, айылдардан келген тургундардын үйлөрүнө кетүүсү үчүн 72 саат убакыт берилет. Бул убакыт аралыгында облус жана айыл тургундары шаарды таштап, үйлөрүнө чыгып кетүүсү керек.

“22-марттан баштап Алматы шаарындагы бардык аба каттамдары, темир жол каттамдары толук түрдө токтотулат”, - деп билдирген акимдин биринчи орун басары Ерлан Кожагапанов атайын уюштурулган жыйын учурунда.