Депутат Жолдошбаев республикалык штабга 1 миллион сом бөлүп бере турганын айтты

Депутат Камчыбек Жолдошбаев республикалык штабга 1 миллион сом бөлүп бере турганын айтты. Бул тууралуу ал бүгүн, 19-мартта Жогорку Кеңештин жыйынында билдирди.

"Бүгүнкү күндө депутаттар укмуштуудай сөздөрдү айтып жатасыздар. Медицина кызматкерлерге оор болду. Ооругандарды дарылап жатат. Биз болсо кол алышкандан коркуп бул жакта жүрөбүз. Кыргыз мамлекетинин ичиндегилер, башка мамлекеттегилер жардам берип жатат. Кыргыз мамлекетинин ишкерлери колдон келген жардамды берсек. Мен бүгүн республикалык штабга 1 миллион сом которуп берем. Калгандары колдон келген жардам берсе жакшы болмок", - дейт ал.