Оштун Фуркат айылында, Кулатов кичи районунда жана борбордук базарда ун сатылууда

Ош шаарында кошумча уюштурулган пункттарда ун сатылууда. Бул тууралуу шаардык мэриянын басма сөз кызматынан билдиришти.

Ош шаарынын мэри Таалайбек Сарыбашовдун тапшырмасынын негизинде шаарга кире бериш жерлерине ун сатуу жайлары уюштурулду.

Бүгүн, 19-март Фуркат айылында, Кулатов кичи районунда жана борбордук базарда ун сатылууда. Биринчи сорттогу бир кап ундун баасы 1 350 сомдон туруктуу баада сатылууда. "Тулпар" ун комбинатына 150 тонна ун жана 350 тонна буудай келип түшкөн. Жакынкы күндөрү 650 тонна буудай жана 150 тонна ундун келиши күтүлүп жатат.

Белгилей кетсек, эртең, 20-марттан баштап ун борбордук базарда гана сатылат. Коопсуздук жана баш аламандыкты алдын алуу багытында Ош шаарынын ички иштер башкармалыгынын кызматкерлери иш жүргүзүүдө.