УКМК: "Жалган маалымат тараткандар кылмыш-жаза жоопкерчилигине тартылат"

УКМК жалган маалыматтарды тараткандарга карата катуу чаралар көрүлөт. Бул тууралуу аталган комитеттин басма сөз кызматынан билдиришти.

УКМК коронавирустун таралышы боюнча маалыматтардын фонунда фейк маалыматтарын тараткан тараптарды аныктоо, ошондой эле коомдук-саясий жана эпидемиологиялык абалды туруктуу сактоо боюнча тиешелүү иш аракеттерди жүргүзүүдө.

"Түшүндүрүү-профилактикалык иштер укук коргоо жана жергиликтүү өзүн-өзү башкаруу органдары менен биргеликте өткөрүлүп жатат. Азыркы тапта республикада кырдаал стабилдүү. Базарлар жана соода түйүндөрү өз нугунда иштеп жатат. Коронавирус боюнча республикалык штаб күнү-түнү иштеп, бардык суроолорго жооп берүүгө даяр. УКМК жалган маалыматтарды жана башка ушул багыттагы материалдарды тараткандыгы үчүн кылмыш-жаза жоопкерчилигине тартыла тургандыгын эскертет", - деп жазылат маалыматта.