21-марттан баштап Жалал-Абадда азык-түлүк саткан базарлар иштей берет

Эртең, 21-марттан баштап, Жалал-Абад шаарында азык-түлүк базарлары иштей берет. Ал эми кийим-кечек саткан базарлар, соода түйүндөр иштебейт. Бул тууралуу шаардык мэриянын басма сөз кызматынан билдиришти.

"Калаадагы тамактануучу жайлар кечээтен баштап жабылган. "Нооруз", "Шабдалы-Зар", "Мадумар-Ата" базарлары, "Береке" базарынын кийим саткан бөлүгү эртеңден баштап 3 аптага убактылуу иштебейт. Кырдаалды туура түшүнүп, зарылчылык болбосо үйдөн чыкпаңыздар", - деп жазылат маалыматта.

Бүгүн, 20-мартка карата коронавирус дагы үч жарандан аныкталган. Алар Ноокат районунун тургундары, умра сапарына барып келгендиги белгилүү болду. Учурда изоляцияга алынды. Бул тууралуу саламаттыкты сактоо министри Космосбек Чолпонбаев маалымат жыйында билдирген.