Өзбекстанда коронавирус аныкталган алгачкы жарандар сакайып баштады

Өзбекстанда коронавирус аныкталган алгачкы жарандар сакайып баштады. Бул тууралуу өлкөнүн жергиликтүү маалымат булактары жазышууда.

Анда жазылгандай, дүйнөгө тарап жаткан вирустан Өзбекстан Республикасынын жарандары дагы жабыр тартууда. Ал эми алгачкы вирустун белгилери аныкталган жарандар сакайып баштаганын өлкөнүн санитардык-эпидемиологиялык агенттиктин директору Бахром Алматов билдирген.

"Учурда коронавирус инфекциясын алгачкы жолу жуктуруп алган жарандар сакайып башташты. Алар өздөрүн жакшы сезип жатат. Ал эми башкаларынын абалы канааттандырарлык", - деген ал.

Мындан сырткары медициналык мекемелерде керектүү дары-дармектер, натыйжалуу дарылоого жана ооруну убагында аныктоого керектүү шарттар түзүлгөндүгүн кошумчалаган.

Азыркы тапта Өзбекстанда коронавирусту жалпы 33 жаран жуктуруп алган.