Супер-Инфо
super.kg видео
ЭЛДИК КАБАР: "Сузак, Ноокат районунан келип, текшерилели десек, бизди кабыл албай коюшту" дейт окурман
"Элдик кабар" бөлүмүнө окурман коронавирус боюнча жалпыга таратылып жаткан иш-чаралар толук аткарылбай жатканын айтып, нааразычылыгын билдирди.
"Мен Бишкектин тургунумун. Жумушка байланыштуу Жалал-Абад, Ош облусунда 1 ай жүрүп, азыркы коронавирус катталган Сузак, Ноокат райондорунда эл менен аралашып жүрүп келдик. Биз 7 кесиптешибиз менен биргеликте Оштон Бишкекке 19-март күнү кечки саат 21:00дө учуп келгенбиз. Аэропорттон текшерилели десек, ал жактан экөө чыгып, "азыр иштебейбиз, жабык" деп коюшту. Үйгө барар алдында күнү-түнү иштейт деген номерлерге чалсак, алар да "азыр иштебейбиз, эртең менен келгиле" дешти. Башка көрсөтүлгөн дагы эки номерге чалсак, алар да "жабыкпыз" деп окшош жооп беришти. Алар эч кандай белгиси жок текшеришпейт экен. Ал эми белгилери 14 күндүн ичинде билинсе, ага чейин кандай болот? "Качан гана жөтөлүп, дене табыңар көтөрүлсө, көрөбүз. Бизге келер алдында жашаган жериңерден терапевттен багыттама кат (направление) алып келгиле" дешти. Өлкөдө ушундай кырдаал болуп жатса, ыкчам текшерүү эмес эле, адат болуп калган бир нече этапты басып өтүү керектигине көзүбүз жетти. Эртеси да ошол маселе менен текшериле алган жокпуз. Айла жок, үйгө келип жашап жатабыз", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |