"Ухан вирусу": 13 миңден ашык адам каза болуп, 305 миң 234 киши жабыркады

22-мартка карата дүйнө жүзүндө коронавирусту жуктургандардын жалпы саны 305 миң 234кө жетти. Алардан 92 миң 296 адам айыгып ооруканадан чыкса,13 миң 4 адам каза болду.

Каза болгондордун саны боюнча Кытайдан ашып өткөн Италияда 53 миң 21 адам вируска кабылып, 6 миң 72 адам ооруканадан айыгып чыгарылды, ал эми 4 миң 825 адам көз жумду.

Кытайда 81 миң 321 адам вирусту жуктурса, 72 миң 355 адам жакшы болуп калган. Каза болгондордун саны 3 миң 261 адам.

Каза болгондордун саны боюнча үчүнчүдө Иран. Аталган мамлекетте жуктуруп алгандардын саны 20 миң 610, айыккандар 7 миң 635. Каза болгондор 1 миң 556 адам.

Жогорудагы маалымат АКШдагы Жон Хопкинс атындагы университеттин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.