super.kg logo

Бишкекте 20 жаштагы жаранды жеңил унаа сүзүп, ал ооруканада каза болду. Айдоочу окуя болгон жерден качып кеткен

 

Милициянын кайгуул кызматынын издөө бөлүмү жөө жүргүнчүнү сүзүп, из жашырган шектүү жаранды кармады. Бул тууралуу кайгуул кызматынан билдиришти.

Маалыматка ылайык, 21-март күнү болжол менен саат 23:35 чамасында белгисиз унаа Малдыбаев көчөсү менен түштүк тарапка бара жатып, 2000-жылы туулган М.М. аттуу жөө жүргүнчүнү сүзүп кеткен. Андан соң айдоочу ал жерден из жашырган. Ал эми жабырлануучуну "Тез жардам" кызматы №4 шаардык ооруканага алып кетишкен. Тилекке каршы, жабырлануучу эсине келбей ооруканада каза болгон.

Жүргүзүлгөн ыкчам издөө иштеринин натыйжасында милициянын кайгуул кызматынын издөө бөлүмү изи сууй электе бүгүн, 22-март күнү саат 02:00 чамасында БМВ Х5 үлгүсүндөгү унаанын айдоочусун кармаган. Унааны 1999-жылы туулган А.Ш. аттуу жаран башкарып бара жаткан.

Учурда чогулган материалдар Кылмыштардын жана жоруктардын бирдиктүү реестрине катталып, Бишкек ШИИББинин тергөө бөлүмүнө өткөрүлүп берилди. Ал эми автоунаа айып короосуна токтотулду.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -1 
Комментарийлер(1)
22.03.2020. 13:58 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
-2
Жөн эле жүрбөйбү, түн жарымда 20 жаштагы бала эмне кылып жүрөт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: