Тышкы иштер министрлиги: "Египет жана Таиланддан келе албай жаткан мекендештер өлкөгө алынып келди"

Кыргыз өлкөсүнүн чек арасы жабылганына байланыштуу Египет жана Таиланддан келе албай жаткан мекендештер өлкөгө алынып келди. Бул тууралуу Тышкы иштер министрлигинин басма сөз кызматынан билдиришти.

"Коронавирустун алдын алуу жана жайылтпоо максатында чек аралар жабылганына байланыштуу айрым мекендештерибиз Кыргыз өлкөсүнө кире албай калышкан. 22-23-март күндөрү Тышкы иштер министрлиги ата мекендик туристтик операторлор менен биргеликте Казак тараптын колдоосу менен Шарм-эль-Шейхтен (Египет) 126 туристти жана Бангкоктон (Таиланд) 11 туристти алып келди. Туристтер Алматы эл аралык аэропортуна конгон соң Саламаттыкты сактоо министрлигинин кызматкерлери менен атайын транспорт аркылуу Бишкекке алып келинген.

Учурда бардык жүргүнчүлөр тиешелүү текшерүү жүргүзүү үчүн медициналык жайга жайгаштырылган", - деп жазылат маалыматта.