Облустардын чектеринде жана Бишкек шаарына кире бериш жерлерде посттор орнотулду

Облустардын чектеринде жана Бишкек шаарына кире бериш жерлерде посттор орнотулду. Алар Чүй облусунун Бишкек-Кант (Киргшёлк), Бишкек-Кара-Балта (Сосновка жана Маловодное), Бишкек-Нарын-Торугарт (Кызыл көпүрө) унаа жолдору. Анда ички иштер органдарынын кызматкерлери менен биргеликте тиешелүү кызматтар айдоочуларды жана жүргүнчүлөрүн текшерүү иштерин жүргүзүүдө.

Ошол себептен посттордо унаалар топтолуу жагдайы болууда.

Жол кыймылынын коопсуздугун камсыздоо башкы башкармалыгы жол кырсыктарын алдын алуу жана илдеттин жайылышына жол бербөө максатында жарандарга, айдоочулар менен жүргүнчүлөргө түшүнүү менен карап алууну суранат. Ошондой эле бардык шарттарды аткарып, карама-каршы тилкелерге чыга калып жол кыймылына тоскоол болбой, жол кыймылынын эрежелерин толук сактап, постторду ирети менен өтүүнү сунуштайт.