"Бет капты чечип койсоң, тааныбаган эле адам сага "кайра кий" деп айтат". Кытай коронавирусту кантип жеңди?

Азыркы тапта Кытайда коронавирус илдети басаңдап, акыркы күндөрү ооруну жугузуп алгандар дээрлик жок. Пандемиянын борбору болгон Кытай вирусту кантип жеңүүдө? Жогорудагы суроого блогер жооп бергенге аракет кылган.

Блогердин айтымында, 2 ай бою жергиликтүү калк эшикке чыккан эмес, өлкөдө азык-түлүк дүкөндөрү гана иштеген. Коомдук жайларга киргенде да, чыкканда да адамдардын дене табы текшерилип турган. Олуттуу себеби жок эч ким эч жакка чыккан эмес. Көчөлөрдө бет кабы жок жүргөн жарандар дээрлик жокко эсе болгон. Ал эми бет кабы жок бирөө жүрүп калса жөнөкөй жаран болобу, полиция кызматкери болобу андан шашылыш түрдө бет кап тагынышын өтүнүп турушкан.