Баткенде милиция кызматкерлери жергиликтүү тургундарга түшүндүрүү иштерин жүргүзүүдө

Баткен облус аймагында эпидемиялык абалга карата милиция кызматкерлери маршруттук топторго бөлүнүп, жергиликтүү тургундарга түшүндүрүү иштерин жүргүзүүдө.

Коронавирус илдетин алдын алуу жана аны жайылтпоо максатында көчөдө жүргөн жарандарга айтылган талаптарга баш ийбей иштеп жаткан кафе, ресторандарга, дүкөн ээлерине иштерин убактылуу токтотуу зарыл экендигин түшүндүрүп жатышат.

Облуска киргизилген өзгөчө кырдаал учурунда ар бир жаран тазалыктын эрежелерин туура сактап, коопсуздук чаралардын алдын алып, жоопкерчиликтүү мамиле жасоо милдетибиз экени баса белгиленүүдө.

Ал эми жол кыймылынын коопсуздугун камсыздоо кызматкерлери кызматтык унаалар менен атайын үн чыгаруучу каражаттар аркылуу ар бир айыл, көчөлөрдө элдерге үйдөн чыкпоосун суранып, түшүндүрүү иштерин жүргүзүүдө.