Кара-Суу районунун калкы жыш болгондуктан өзгөчө абал жарыяланды

Бүгүн, 25-марттан баштап Ош, Жалал-Абад, Баткен облустарына, Бишкек шаарына, Кара-Суу, Ноокат, Сузак райондоруна өзгөчө абал режими киргизилгени тууралуу токтом кабыл алынды. Бул кырдаал тууралуу Куралдуу Күчтөрүнүн башкы штабынын жетекчиси Райимберди Дүйшембиев жыйын өткөрдү.

"Учурда коронавирус катталган аймактардын катарында Кара-Суу району жок болсо да, ал жакка өзгөчө абал киргизилди. Анткени Кара-Суу району калкы жыш аймак болгондуктан (400 миңден ашык киши жашайт) жашоочуларды коркунучка кептегибиз келген жок. Андыктан коронавирус инфекциясынын алдын алуу максатында ушундай чечимге келдик", - деп билдирди Дүйшембиев.