УКМК: "Жалган маалымат тараткан кезектеги адам кармалды"

"Жалган маалымат тараткан кезектеги адам кармалды", - деп бүгүн, 24-мартта УКМКнын басма сөз кызматынан билдиришти.

Маалыматка ылайык, 23-мартта УКМК жүргүзгөн ыкчам издөө иш-чараларынын алкагында 1968-жылы туулган Кыргыз жараны, Нарын облусунун Кочкор районунун Теңдик айылынын тургуну Т.И. кармалды. "Т.И. социалдык тармактар аркылуу коронавирус боюнча жалган маалыматтарды тараткан. Ал текшербестен, жалган маалыматка ишенип, аны тараткандыгын мойнуна алып, жалпы элден кечирим сурады. Анын ишине юридикалык баа берилет. УКМК коронавирустун таралышы боюнча жалган маалыматтарды, ушактарды тараткан тараптарды аныктап, табуу, ошондой эле коомдук-саясий жана эпидемиологиялык абалды туруктуу сактоо боюнча тиешелүү иш аракеттерди жүргүзүүнү улантууда", - деп жазылат маалыматта.

Жалган маалымат тараткандар мыйзам чегинде жоопко тартылат.