Коронавирус менен жабыркаган келиндин баласынан 3 жолу тест алынды. Жыйынтыгы таза деп чыкты

Коронавирус менен жабыркаганы аныкталган келиндин баласынан 3 жолу тест алынды. Үч жолку тесттин жыйынтыгы вирустун белгилери жок деп чыкты. Бул тууралуу бүгүн, 24-мартта саат 18:00гө белгиленген онлайн маалымат жыйында Саламаттыкты сактоо министрлигинин коомдук саламаттыкты сактоо башкармалыгынын башчысы Айнура Акматова билдирди.

"Коронавирус менен жабыркаган келиндин баласы 2 жашка чыга элек. Андан 3 жолу тест алынган, жыйынтыгы вирустун симптомдору жок деп чыкты", - деди ал.

Өлкө боюнча коронавирус менен ооругандардын саны 42. Мындан тышкары Пакистанга даваатка барган дагы бир Кыргыз жараны вирус жуктуруп алганы белгилүү.