Кытайда хантавирустан 1 адам көз жумду. Хантавирус тууралуу эмне билесиз?

Коронавирустан эми гана арылып келе жаткан Кытайда хантавирустан 1 адам көз жумду. Бул тууралуу "Global Times" басылмасы жазып чыкты.

Маалыматка ылайык, хантавирус жуктуруп алган адам автобус менен жумушка бараткан учурда жан берген. Тиешелүү кызматтар автобуста болгон бардык жүргүнчүлөрдү текшерүүгө алышкан.

Хантавирус деген эмне?

Ооруларды көзөмөлдөө жана алдын алуу борборунун билдирүүсүнө ылайык, хантавирус - бул келемиштер алып жүрүүчү жана таратуучу вирус. Аталган вирустун айынан адамдар ар кандай ооруга чалдыгышы мүмкүн. Хантавирусту жуктуруп алган адамдын алы кетип, булчуң эттери ооруйт. Ал коронавирустай эле өпкөнүн оорушуна да алып келет.

Аталган вирус көп учурда аны алып жүргөн келемиштерден жугат. Адамдан адамга жуккан учуру дээрлик кездешпейт. Хантавирус алгачкы жолу 1993-жылы Түндүк Америкада катталган. Аталган вирус көп изилденген эмес, ага каршы вакцина жок.

Вирусологдордун айтымында аталган вирус эч кандай эпидемиологиялык коркунуч жаратпайт.