Маршруттук баракчанын формасы кандай, кайсы убакытта керек болот? (үлгү)

Маршруттук баракчанын формасы жана өзгөчө абалда кайсы убакытта керектигин республикалык штаб жарыялады.

Саат 07:00дөн 20:00гө чейин азык-түлүк дүкөнүнө, дарыканага, медициналык мекемелерге баруудан тышкары, калган жарандардын жүрүүсү чектелет жана аты-жөнүн тастыктаган күбөлүк жана колго толтурулган маршруттук баракчасы болушу керек. Анда төмөнкү маалыматтар колго толтурулган болууга тийиш.

• Аты-жөнү;
• Телефон номери;
• Үйдөн чыккан себеби;
• Чыккан убактысы;
• Кайткан убактысы;
• Жашаган жери;
• Бара турган жери.

Банкка өтө зарыл болгон учурларда гана кайрылууга болот. Алгач алардын өзгөчө абал учурундагы иштөө графигин тактап алганыңыз оң.