Бишкектеги мектептердин жаңы окуу жылына даярдыгы текшерилүүдө

Учурда Бишкектин 93 мектеби жаңы окуу жылына толук даяр, ал эми №25-мектепке капиталдык оңдоо талап кылынат. Бул тууралуу мэриянын басма сөз кызматы билдирди. Жаңы окуу жылында шаардын мектептеринде 110 миң окуучу билим алышат. Ал эми Бишкек шаарынын мэриясынын буйругуна ылайык, 26-августтан баштап шаардык билим берүү мекемелеринин жаңы 2013-2014-окуу жылына даярдыгы текшерилүүдө. Анын жыйынтыгында, бүгүнкү күндө Бишкек шаарынын бардык билим берүү мекемелеринде актап, сырдоо иштери жүргүзүлгөнү белгилүү болгон.