UFC мушкери Конор Макгрегор Ирландиянын президентин коронавируска каршы татыктуу күрөшүүгө чакырды

UFC уюмунун атактуу мушкери Конор Макгрегор өзүнүн социалдык тармактагы баракчасы аркылуу Ирландиянын президенти Майкл Хиггинсуну коронавируска каршы күрөшүүгө чакырды.

"Мен азыркы учурда болуп жаткан коркунучтуу илдет тууралуу айткым келди. Биз азыр жумуштун баарын токтотууну, аэропортторду жана башка мекемелерди жабууну талкуулап жатабыз. Биз бул иштерди аткарышыбыз керек. Биз талкуулап жаткан убакыт бизди алаксытып жатат. Мен Ирландиянын атактуу жараны катары президентибиз Майкл Хиггинсуну коронавируска каршы татыктуу күрөшүүгө чакырам. Биз бардыгыбыз чогуу коронавируска каршы күрөшүшүбүз керек. Убакыт келди! Ирландия алга! Жер шары алга! Чогуу күрөшөбүз. Биздин колубуздан келет", - деп жазып калтырган мушкер.

Акыркы маалыматтар боюнча коронавирус оорусун дүйнө жүзү боюнча 438 миң 749 адам жуктуруп алган болсо, 19 миң 675 адам бул илдеттин айынан каза болду. Бул вирус Кыргыз өлкөсүнө дагы жетип, 44 адам жуктуруп алгандыгы аныкталды.