Индияда карантин талаптарын бузгандарды милиция сабап таркатууда (видео)

Индия өлкөсү кечээ, 25-марттан тарта 1 миллиард 300 миллиондон ашуун калкынын кадамдарын чектеген. Анда премьер-министр Нарендра Моди өлкөнүн облустары, райондору анын ичинен көчөлөр катуу тартипте карантинге алына турганын билдирген.

"Түнкү саат 00:00дөн тарта бүт өлкө карантинге алынат. Көчөлөрдө кыймыл болбошу керек жана эл сыртка чыкканын токтотуусу зарыл. Эгер кимдир бирөө эрежени бузса, жаза күтөт", - деп белгилеген Моди.

Бул айтылган пикир жана 21 күндүк карантин элдин өмүрүн сактоого жасалып жаткан аракет экенин түшүндүрүп өткөн ал.

Бирок ага карабай көчөдө карантиндик мөөнөттү сактабаган жарандардын кыймыл аракетин чагылдырган видео тарады.

Анда тартип сактоого чакырган полиция кызматкерлери жолдо жүргөн жарандарды сабап таркатып жатканын көрсө болот.