ЖЫЛНААМА, 27-МАРТ: 54 жыл мурун футбол боюнча Дүйнө чемпиондугунун жоголуп кеткен Кубогун ээси менен сейилдеп жүргөн ит таап алган

27-март дүйнөлүк футболдун тарыхы кызыктуу күн менен эсте калган.

Мындан 54 жыл мурун, 1966-жылы 20-мартта Англиянын Лондон шаарындагы Вестминстер-Холл сарайында Дүйнө чемпиондугунун финалына үч ай калганда футбол боюнча Дүйнө чемпиондугунун Кубогун уурдап кетишкен. Полиция кызматкерлери издөө иштерин жүргүзүп таба алышкан эмес.

27-март күнү англиялык Дэвид Корбетт аттуу жаран өзүнүн Пиклз аттуу ити менен Лондон шаарынын түштүгүндөгү Норвуд районунда сейилдеп жүргөн убакта ити Пиклз бадалдын түбүндөгү газетага оролгон Кубокту таап алган. Дэвид Корбетт бул тууралуу дароо полицияга кабарлаган.

Бул Дүйнө чемпиондугун Англия курамасы жеңип алып, Дэвид Корбетт ити Пиклз менен чогуу майрамдык кечеге чакырылып 5 миң фунт стерлинг (6 миң доллар) менен сыйланган. Кубокту таап алгандар заматта таанымал болуп чыга келишет.

1967-жылы Пиклз ээсинин 6 жаштагы баласы менен сейилдөө учурунда, мышыкты кубалап кетип, көп өтпөй үйүнөн алыс эмес жердеги бакка чынжыры менен асылган абалда табылган.