Кыргыз өлкөсүндө коронавирус менен 58 адам ооруп жатат. Анын 34ү умрадан келсе, 21и зыяратчылардан жуктуруп алгандар (таблица)

Тектеш кабарлар: Дүйнөгө тараган коронавирус боюнча башка маалыматтар (8923 материал)

Бүгүн, 28-мартта Кыргыз өлкөсүндө коронавирус биринчи жолу катталгандан бери 10 күн, илдет аныкталган аймактарда өзгөчө абал киргенден бери 3 күн өттү.

Бул 10 күн аралыгында 8 жолу коронавирус жуктуруп алгандар тууралуу маалымат алдык. Эң көп илдетти жуктуруп алганы аныкталган күн 24-март болуп калды.

Жаш курагына келсек, коронавирус менен ооруп жаткандардын эң кичүүсү 1 жашка да чыга элек ымыркай, ал эми эң улуусу 86 жашта. Район боюнча Сузак, облус боюнча Ош алдыда. Ал эми илдетке чалдыккандардын 34ү умарадан келсе, 21и зыяратчылардан жуктуруп алгандар болуп саналат. Калган үчөөнүн бири Франциядан, бири Дубайдан, бири Испаниядан келген жарандан жуктуруп алган адам.

Катталган күнү	Канча адам аныкталды?	Жаш курагы	Аймагы	Илдетти жуктуруп алган жолу
18-март	3 адам (баары эркек)	46, 62, 70 жашта	Жалал-Абад облусуна караштуу Сузак району	Сырттан. Сауд Арабиядан кичи ажылык зыяратка барып келишкен
20-март	3 адам (баары аял)	67, 71, 77 жашта	Ош облусуна караштуу Ноокат району	Сырттан. Сауд Арабиядан кичи ажылык зыяратка барып келишкен
21-март	6 адам (үчөө эркек, үчөө аял)	45-70 жаш аралыгы	Сузак району (5), Баткен району (1)	Сырттан. Сауд Арабиядан кичи ажылык зыяратка барып келишкен
21-март	2 адам (экөө тең эркек)	24, 26 жашта	Бишкек шаары	Сырттан. Бири Франциядан, экинчиси Сауд Арабиядан кичи ажылык зыяраттан келген
23-март	2 адам (бири эркек, бири аял)	60 жаштагылар	Ноокат району	Сырттан. Сауд Арабиядан кичи ажылык зыяратка барып келишкен
24-март	26 адам (маалымат такталган соң толукталат)	1 жашка чыга элек ымыркайдан тартып 86 жашка чейин	Сузак району (9), Ала-Бука (2), Ош шаары (1), Кара-Суу району (8), Ноокат району (6)	Сырттан жана сырттан келгендер менен байланышта болгондор. 14ү Сауд Арабиядан кичи ажылык зыяратка барып келген, калганы сырттан келгендерден илдетти жуктуруп алышкан.
25-март	2 адам (экөө тең эркек)	35 жашта, 60 жашта	Бишкек шаары, Чүй облусуна караштуу Москва району	Сырттан жана сырттан келген менен байланышта болгон. Бири Дубайдан (БАЭ) келген, экинчиси Испаниядан келген жарандан илдетти жуктуруп алган.
27-март	14 адам (төртөө эркек, ону аял)	(маалымат такталган соң толукталат)	Сузак району (7) Өзгөн району (3), Ноокат району (2), Кара-Суу району (1), Ош шаары (1)	Сырттан жана сырттан келгендер менен байланышта болгондор. Бешөө Сауд Арабиядан кичи ажылык зыяратка барып келген, калганы сырттан келгендерден илдетти жуктуруп алышкан.