Ысык-Көл. Караколдо 7 адамга "Жылдын мыкты кызматкери" деген наам берилет

Каракол шаарында 31-август күнү 7 адамга “Жылдын мыкты кызматкери” деген наам берилет. Алардын сүрөттөрү шаардын борбордук аянтындагы ардак тактага илинет. Муну Каракол мэриясынын маданият, маалымат жана туризм бөлүмүнүн башчысы Алик Асанов билдирди. Айтымында, былтыр туризм боюнча жылдын мыктылары аныкталган. "Быйыл шаарга көп жылдан бери салым кошуп келе жаткан мекемелердин мыкты кызматкерлери сыйланат",- дейт Асанов.