Warning: ksort() expects parameter 1 to be array, boolean given in /var/www/super.kg/superstan/admin_secret/sources/classes/output/publicOutput.php on line 384
Warning: Invalid argument supplied for foreach() in /var/www/super.kg/superstan/admin_secret/sources/classes/output/publicOutput.php on line 387
"Ак боз ат минген 30 жаш". Футбол боюнча Кыргыз улуттук курама командасынын оюнчусу Мирлан Мурзаев 30 жашка чыкты
Кыргыз курамасынын чабуулчусу Мирлан Мурзаев Баткен облусунун Сүлүктү шаарында 1990-жылы 29-мартта төрөлгөн. Улуттук курама команданын катарында 2009-жылдын март айында Непалга каршы оюнда дебют жасаган.
2007-2010-жылдары "Дордой-Динамо" клубунда ойногон. 2010-жылы кышында москвалык "Локомотив" клубуна кирип, 11 оюн өткөргөн. 2011-жылы Израилдеги "Хапоэль" клубунда ойноп, 2012-жылы өзүнүн мекенине "Дордойго" кайткан.
2014-жылдын январь айынан тарта түркиялык "Денизлиспор" клубунда ойногон. Сезондун экинчи бөлүгүндө чабуулчу Түркиянын "Afjet Afyonspor" 4-лигасындагы командада өткөргөн. Түркиялык клуб үчүн Мирлан Мурзаев 11 расмий оюн өткөрүп, 5 гол киргизген.
2016-жылдын январь айында ал Бахрейндеги Манама шаарынын "Аль-Ахли" клубу менен сезондун акырына чейин келишим түзгөн.
2017-жылы Мирлан Мурзаев түркиялык клуб менен чемпиондукту багынткан. Ал бул сезондо Түркиянын 4-дивизионундагы "Ушакспор" командасында ойноп, алтын медалдарга жетишкен. 2017-жылы 24-апрель күнү Мурзаевдин командасы "Бусак Огузан" командасын 3:1 эсебинде жеңип, өз дивизионунда чемпион аталышкан. Мирлан Мурзаев "Ушакспордун" курамында 22 оюнга катышып, 6 жолу айырмалана алган.
Мурзаев мындан сырткары "Сомаспор" клубунда 1 сезон өткөргөнгө жетишкен. Андан кийин кайрадан "Дордой" клубуна кайтып келген.
Мирлан Мурзаев 2019-жылдын июль айында Түндүк Кипрдин командасы менен келишим түзгөн. Бирок бул келишимден баш тартып, "Дордойго" кайтып келди. Кыргыз Премьер-Лигасы билдиргендей, Түндүк Кипрдин чемпиондугу ФИФА тарабынан таанылган эмес. Андыктан бул чемпиондукта Мурзаев ойносо, улуттук курам үчүн ойной албай калмак.
Мирлан Мурзаев 2007-2008-2009-2012-2014-жылдары Кыргыз Республикасынын чемпиону, 2008-2012-2014-жылдары Кыргыз Республикасынын Кубогунун ээси. 2007-жылы Азия футбол конфедерациясынын президентинин Кубогуна ээ болгон.
2018-жылдын 27-мартында Дөлөн Өмүрзаков атындагы стадиондо Азия Кубогунун тандап алуу оюндарынын алкагындагы Кыргыз-Индия беттешинде Кыргыз курамасынын чабуулчусу Мирлан Мурзаев мыкты оюнчу аталган.
Мурзаев талаага башкы курамда чыгып, оюндун аягына чейин ойногон. Ал эми оюндун 72-мүнөтүндө атаандаштарынын дарбазасына кыргызга жеңиш алып келген экинчи голду киргизди. Бул гол чабуулчунун улуттук курамдын расмий беттештериндеги алтынчысы болуп саналды.
Супер-Инфо
super.kg видео
0