Штаб: "Республикада 272 мобилдик топ иштеп жатат"

Бир сутка ичинде медицина кызматкерлери эпидемиологиялык очокторго 2 140 жолу барып келишти. Бул тууралуу республикалык штабдан билдиришти.

Саламаттыкты сактоо министрлигинин ыкчам штабынын маалыматы боюнча, 29-мартка карата республикада бардыгы 272 мобилдик топ иштеп жатат.

Бишкек шаарында - 10, Ош шаары – 12, Жалал-Абад облусу - 68, Нарын облусу – 47, Баткен облусу – 39, Чүй облусу – 30, Ысык-Көл жана Талас облустары – 23, Ош облусу - 20.

Топтун курамына жугуштуу оорулар боюнча дарыгерлер - 41, лаборант-дарыгерлер - 33, лаборанттар – 134.

Эске салсак, мобилдүү бригадалар үй карантиндеги жарандарга көзөмөл жүргүзүп жатышат.