Аламүдүн районунда 2 жыл мурун өлтүрүлүп, өз үйүнүн короосуна көмүлгөн адамдын денеси табылды

Аламүдүн районундагы Пригородное айылында эки жыл мурун өз үйүнүн короосуна көмүлгөн бир адамдын дене мүчөлөрү табылды. Аны аялы менен өгөй баласы бычактап өлтүрүп, жерге көмүп салышыптыр. ИИМдин билдиришинче, маркум Жалал-Абад облусунун 1977-жылы туулган тургуну болуп чыкты. Кылмышка шектелип Ош облусунун 38 жаштагы К.П., Жалал-Абад облусунун 33 жаштагы К.Т. жана Бишкек шаарынын 18 жаштагы К.А. аттуу тургундары кармалышты. Факты боюнча учурда кылмыш иши козголуп, тергөө жүрүп жатат.