"Балдарды ойнотуу менен бирге ден соолукка пайдалуу көнүгүү жасаңыз". Карантинде отурган аталар үчүн челленж (видео)

Өлкөдөгү эпидемиологиялык абалга байланыштуу карантинде отурган жарандар арасында ар кандай челленж уюштуруу популярдуу боло баштады. Алардын айрымдары ырдап көңүл көтөрсө, башкасы бийлеп, дагы бири социалдык флешмоб уюштуруп, айтор, карантиндик режимди болушунча пайдалуу жана кызыктуу өткөрүүгө аракет кылышууда.

Карантиндик режимде отурган ата-энелер үчүн балдарын зериктирбей, кызыктуу нерселер менен алектендирүү боюнча маселе жаралышы мүмкүн. Буга байланыштуу SUPER.KG порталы ата-энелерге арналган ар түрдүү кеңеш, оюндардын топтомун, кызыктуу челленждерди сунуштайт. Ага ылайык, бүгүн окурмандар үчүн "Аталардан супер челленж" деген аталыштагы кызыктуу видеону жарыялайбыз. Анда аталар балдарын ойнотуп жана өздөрү дагы ден соолугу үчүн пайдалуу көнүгүүнү жасашкан. Анан, албетте, бул челленжди достор арасында өткөрүү кызыктуу болоруна шек жок.