Депутат Сулайманов: "Казакстан унун бизге чыгарбай жатыптыр. Кыйын учурда кошуна мамлекеттер дайыма ушундай мамиле кылышат"

"Казакстан унун бизге чыгарбай жатыптыр. Кыйын учурда кошуна мамлекеттер дайыма ушундай мамиле кылышат", - деп бүгүн, 1-апрелде Жогорку Кеңештин жыйынында депутат Алтынбек Сулайманов билдирди.

"Казакстан унду бизге чыгарбайбыз деп чечим чыгарыптыр. Биз 30-жылдары казак туугандары ачка калганда аларды сактап калганбыз. Дайыма кыйын мезгилде кошуна өлкөлөр ушундай мамиле кылышат. ЕАЭБдин нормалары иштеп жатабы? Ушул кырдаалдан чыкканга чейин өз-өзүбүзчө оокат кылышыбыз керек. Казак туугандар ун бербесе, башка жактан алышыбыз керек", - дейт депутат.