Жардамга муктаж жарандар Социалдык өнүктүрүү министрлигине кайрылышса болот

Мамлекеттин камкордугуна алынган жарандарга, ден соолугунун мүмкүнчүлүгү чектелген балдарды баккан жеке ассистенттерге, тоголок жетимдерге, өтө жакыр жашаган, азык-түлүккө муктаж болгон жарандарга ун, антисептиктер жана бет каптар таркатылды.

Бул тууралуу бүгүн, 1-апрелде Өкмөт үйүндө өтүп жаткан онлайн жыйын учурунда эмгек жана социалдык өнүктүрүү министринин орун басары Ализа Солтонбекова билдирди. Айтымында, ундун 5 тоннасы күнү-түнү иштеп жаткан медицина кызматкерлерине берилген.

"Биздин тизмеде катталган аз камсыз болгон үй-бүлөлөрдүн саны 96 миң. Алар азык-түлүк жардамына муктаж. Азыр көптөгөн адамдар жумушсуз калганын түшүнөбүз, алар дагы бизге кайрылышса болот жана 1227 номери аркылуу социалдык-психологиялык жардам алса болот", - деди Ализа Солтонбекова.