Киши жоктугунан Индияда таш бакалар көл жээгине 60 миллионго чукул жумуртка калтырып жатышат

Коронавирус эпидемиясынан улам индия эли карантинге алынганына байланыштуу көл жээгине таш бакалар келип, 60 миллионго жакын жумуртка калтырууда. Бул тууралуу чет элдик басылмалар жазып чыгышты.

Бул маалда Индияда туристтердин жана балык уулоочулардын көптүгүнөн таш бакалар көл жээгине жете алышчу эмес. Коронавирус пандемиясынан улам эл карантинге алынып, туристтер да саякатын токтоткондуктан таш бакалар тоскоолдуксуз Рушикуля көл жээгине келип, кумдарга жумурткаларын калтырышууда. Кадимки күндөрү браконьерлер же жергиликтүү тургундар жумурткаларын чогултуп, базарларга сатып салышчу.

Маалыматка ылайык, жергиликтүү жаныбарларды коргоо органдары таш бакалардын көбөйүү процессинин коркунучсуз өтүүсүнө болгон аракетин жумшоодо жана болжолдуу түрдө жээкке 60 миллион жумуртка калтырылмакчы.