Эквадордо коронавирустан каза болгондордун жансыз денелерин көчөгө ыргытышууда

Эквадордо коронавирустан каза болгондорду жерге берүүгө тиешелүү кызмат жетишпей жатат. Чет элдик басылмалардын маалыматына ылайык, каза болгондордун жансыз денелери көчөгө ыргытылууда. Жергиликтүү тургундар каза болгондорду ташуучу атайын кызматтын кызматкерлери көчөдө жаткан жансыз денени бир нече күндөн кийин алып кетүүгө үлгүрүп жатышканын айтышкан.

Эквадордогу чоң шаар делинген Гуаякилдин жашоочулары көчөлөргө чыгып, атайын өрт коюп жатышат. Тургундар муну менен бийликтин көңүлүн бурдуруп, каза болгондордун жансыз денелери көчөдө бир нече күн бою жатканын, шаардагы өлүккана толуп калгандыгын айтууну көздөшүүдө. Мүмкүнчүлүгү бар үй-бүлөлөр сөөктү табытка салып көчөгө чыгарып койсо, айрымдарында шарт жок. Мындан улам алар каза болгон адамдын жансыз денесин чүпүрөк менен жаап, короого, көчөгө чыгарып коюшууда.