Ырчы Гүлзат Мамытбек мурунку жолдошу Хуан менен баарлашып, күйөрмандарынын суроолоруна жооп берди

Алгач өзүн кыргыздын демимин деп тааныткан, кийинчерээк ырчылык жаатка өткөн Гүлзат Мамытбек мурунку жолдошу эквадорлук режиссёр Хуан Буэндиа (Juan Buendia) менен Инстаграм баракчасында түз эфир аркылуу баарлашып, катталуучулардын суроосуна жооп берди.

Гүлзат түз эфир учурунда "Хуан былтыр жолдошум болчу. Жашоодо ар кандай нерселер болуп кетет экен. Экөөбүз ажырашканбыз. Бирок дос боюнча калдык" деди катталуучуларына. Ошондой эле күйөрмандарынын "Эмнеге ажырашып кеттиңер?" деген жеке жашоосуна тиешелүү ар кандай суроолору дарегине жетпей, жоопсуз калды. Дегенибиз, башка суроолорду Хуан мырзага которуп берген ырчы айым экөөнө байланыштуу темадан "Антип сурай бербегиле да, болду" деп аттап өтүп кетип жатты.

Баарлашуудан эквадорлук Хуан мырзанын 35 жашта экендиги жана ал Кыргыз өлкөсүнө келип, Манас баатыр тууралуу тасма тартары маалым болду. Ошондой эле ырчы айым "Хуан мыкты режиссёр. Ал тасманы тартат, мен актриса болом", - деп алдыңкы пландары менен бөлүштү.