Супер-Инфо
super.kg видео
Жалал-Абадда бүгүн, 6-апрелде 23 адам ооруканадан чыгарылат (видео, хронология)
Саламаттыкты сактоо министри Сабиржан Абдикаримов маалымат жыйын берүүдө. Жыйын бүгүн, 6-апрелде Өкмөт үйүндө өтүп жатат. Жыйында коронавирус боюнча өлкөдөгү абал тууралуу айтылууда.
Бүгүнкү күнгө карата ооруканада жаткандардын саны 202. Алардын ичинен 5 адамдын абалы оор бойдон калууда. Ал эми кечээ, 5-апрелде дагы 2 адам каза болду.
Жалпы каза болгондордун саны - 4.
Бүгүн, 6-апрелде 69 адам коронавирус жуктуруп алды. Ал адамдар кайсыл аймактардан экени айтылды:
Ноокат районунда - 42;
Кара-Суу районунда - 3;
Ош шаарында - 2;
Сузак районунда - 13;
Бишкек шаарында - 5;
Нарын шаарында - 1;
Каракол шаарында - 1;
Баткен облусунда - 1;
Чүй облусунда -1.
Саламаттыкты сактоо министри жарандарды дагы да болсо айтылган эрежелерди сактоону суранып өттү.
"Жалал-Абадда дагы деле кошуналар бири-бирине кирип чыгып жатышат. Бул туура эмес да. Биз көптөн бери адамдар бири-бириңерден алыс болгула, чогулбагыла деп айтып жатабыз", - деди ал.
COVID-19 вирусу менен каталгандардын жалпы саны 216. Алар:
Жалал-Абад облусу - 80;
Ош облусу - 94;
Бишкек шаары - 25;
Баткен облусу - 4;
Нарын облусу - 5;
Ысык-Көл облусу - 3;
Чүй облусу - 5.
Ал эми он адам илдеттен айыкты. Учурда өлкөдө коронавирус жуктуруп алгандардын саны 216га жетти.
Ошондой эле бүгүн, 6-апрелде Жалал-Абад облусунда 23 адам ооруканадан чыгат.
Коронавирусту жуктурган дагы 69 адам аныкталды.
0
1 |