Жалал-Абад облусунда коменданттык саат киргизилгенден бери 229 эреже бузуу катталды

Бүгүн, 7-апрелде Жалал-Абад облусунун коменданты Жеңишбек Жоробеков маалымат жыйын берүүдө. Анда 25-марттан баштап облус аймагында 229 эреже бузуу катталды дейт комендант.

Өткөн суткада коменданттык саат ичинде саат 20:00дөн саат 7:00гө чейин Жалал-Абад шаары жана Сузак району боюнча 4 адам кармалды. Жалал-Абад облусу боюнча 25 кылмыш иши катталып, анын ичинен коменданттык саат киргизилген аймакта - 11 кылмыш иши (Жалал-Абад шаарында - 7, Сузак районунда- 4) аныкталды. Профилактикалык иш-чаралар жүргүзүлгөн учурда 90 унаа айып короосуна токтотулду.

Жалал-Абад облусунда карантиндик посттордо иштеп жаткан укук коргоочулардын арасында вирусту жуктуруп алгандар жок экенин кошумчалады Жеңишбек Жоробеков.