Япония коронавирус менен каршы күрөшүүгө 1 триллион доллар бөлөт

Япониянын премьер-министри Синзо Абэ бүгүн, 7-апрелде өлкөнүн Токио шаары баштаган жети аймагына өзгөчө абал жарыялады. Бул тууралуу чет элдик маалымат булактары жазып чыкты.

Маалыматка ылайык, элди үйүнөн чыгарбоо, ишканаларды убактылуу жабуу үчүн өкмөт көбүрөөк ыйгарым укукка ээ болду. Ошол эле учурда эреже бузгандар жазага тартылып же айып пул төлөшпөйт. Бийлик жарандардын аң-сезимине жана кырдаалда түшүнүү менен кабыл алышына ишенүүдө.

Өкмөт башчы дароо эле экономикалык жөлөк программасын жарыялап, аны дүйнөдөгү эң ири программалардын бири деп баалады. Ошондой эле ал коронавируска каршы күрөшүүгө 1 триллион долларга жакын бөлүүгө убада берди.

Японияда коронавирус жугузгандардын саны 4 миңге жакын, 92 адам көз жумду. Акыркы күндөрү илдетке чалдыккандар өлкөдө күн санап өскөн.