Футбол боюнча Дүйнө чемпиону аталган Франция курамасынын оюнчулары дарыгерлерге ыраазычылыктарын билдиришти

2018-жылы Орусияда өткөн футбол боюнча Дүйнө чемпиондугунда жеңүүчү аталган Франция курамасынын футболчулары видеоролик аркылуу дарыгерлерге ыраазычылыктарын билдиришти.

"Көбүнчө сиздер бизди колдоп жатасыздар", - деп билдирген башкы машыктыруучу Дидье Дешам.

"Футбол учурунда сиздер бизге ырдагансыздар, бизди колдогонсуздар. Бүгүнкү күндө тескерисинче, футболду силер ойноп жатасыңар", - дешкен оюнчулар.

"Бүгүн биз силердин артыңарда турабыз, силерди колдойбуз, ырдайбыз жана алкайбыз", - деп билдирген команданын чабуулчусу Киллиан Мбаппе.

"Биз ишенебиз, финалдык ышкырыктан кийин коронавируска каршы жеңишти үйгө алып келесиздер", - деп сөзүн жыйынтыктаган команданын чабуулчусу Оливье Жиру.

Франциянын Футбол федерациясы дарыгерлерге улуттук курама команданын 2020-жылы Париж шаарындагы "Стад де Франс" стадионунда өткөрүлө турган оюндарына 5 миң билет берет.