Ошто коронавирус жуктуруп алганын жашырган жаран вирусту 7-8 адамга жуктурган

Бүгүн, 8-апрелде Ош шаарынын мэри Таалайбек Сарыбашов жана Ош шаары, Кара-Суу, Ноокат райондору боюнча комендант Малик Нурдинов онлайн маалымат жыйын берүүдө.

Жыйында Ошто коронавирус жуктуруп алып, аны жашырган жаран тууралуу суроо узатылды.

"Бул адам бүгүнкү күндө изоляцияга алынган, анын жубайы дагы ооруканага жаткырылды. Жаран 7-8 адамга вирусту жуктуруп койгон. Алар дагы ооруканада. Өз кезегинде ал 7-8 адам дагы башкаларга жуктуруп, алар дагы обсервацияларга жайгаштырылды. Бул жакта жарандын этияттыгы, жоопкерчилиги керек. Толук кандуу анализдер чыккыча чыдап туруш керек. Эми оорусун жашырган жаран жоопкерчиликке тартылат", - дейт комендант.