Орусияда акыркы бир сутка ичинде 1175 адам коронавирус жуктуруп, 5 бейтап каза болду

Орусияда акыркы бир сутка ичинде 1 миң 175 адам коронавирус жуктуруп алып, 5 адам каза болду. Бул тууралуу орусиялык басылмалар жазып чыгышты.

Маалыматка ылайык, коронавирусту жуктуруп алгандар Орусиянын 56 аймагынан. Сутка ичинде коронавирус жуктуруп алгандардын ичинен:

Москва шаарында: 660 адам;

Москва облусунда: 95 адам;

Санкт-Петербург шаарында: 34 адам;

Ленинград облусунда: 32 адам жана калгандары башка аймактардан.

Орусиянын 81 аймагынан жалпы 8 миң 672 адам коронавирус оорусун жуктуруп алган. 63 адам каза болсо, 580 адам бул инфекциядан айыгып чыкты.